Kremlin təhlükəsizlik tələbləri bizim üçün heç də təhlükəsizlik demək deyil

Rusiyanın son ultimatumları Kremlin dəhlizlərində artan paranoyanı aydınlaşdırır və gərginliyin artmasına yol açır.

Rusiya Xarici İşlər Nazirliyi dekabrın 17-də aldadıcı başlıqlı iki sənədi: “Təhlükəsizlik Zəmanətləri haqqında Müqavilə” və “Rusiya Federasiyasının Təhlükəsizliyinin Təmin Edilməsi üzrə Tədbirlər haqqında Saziş” açıqlayıb. Bu sənədlər ultimatum kimi təqdim edildi və Kremlyönümlü KİV-lərdə geniş şəkildə işıqlandırıldı. Onlar Kremlin yaratdığı gərginliyi azaltmaq məqsədi daşımayan aldadıcı və zərərli məlumatlardan ibarətdir. Təklif: Silah lüləsindən “zeytun budağı uzatmaq”.

Kreml bu dəfə bir neçə siyasi məqsədi həyata keçirmək üçün yenidən bizə ən sevilən dezinformasiyalarını təklif etdi. Ultimatumların ardındakı hekayəyə aşağıdakılar daxildir: Rusiya Birləşmiş Ştatlarla bərabər qüvvəli super gücdür; Rusiya düşmən qüvvələr, dəqiq desək, NATO ilə əhatə olunmuş, mühasirəyə alınmış qaladır; NATO-nun keçmiş genişlənmə dairələri əvvəlki vədlərə xəyanət idi; Ukrayna və Qərb ilə birlikdə Baltik və Qara dənizdə keçirilən təlimlərə Rusiya üçün təhlükədir.

Hər kəsə açıq olan məlumat bazamızda bu cür dezinformasiyalara dair çoxsaylı nümunələr var:

• Böyük Rusiya,,
• Rusiya mühasirəyə alınmış qala kimi,
• NATO-nun genişlənməsi xəyanət kimi
• Ukrayna təcavüzkar kimi.

Rus ultimatumlarındakı dezinformasiya narrativləri Kremlin yaxın qonşuluğuna imperiya nəzərləri ilə baxdığını əks etdirir. Dezinformasiya göstərir ki, Rusiya ilə həmsərhəd olan ölkələr, o cümlədən bir neçə Aİ üzvü və Alyans üzvləri Kremlin nəzərində suveren dövlət deyil və Kremlin müdaxiləsi olmadan öz müqəddəratlarını həll etməkdə azad deyillər. Beləliklə, təəccüblü deyil ki, ultimatumlar Qərb liderlərindən coşqun cavab almadı.

Kreml öz yaratdığı gərginliyi azaltmaq üçün Rusiyanı heç bir başqa tərəfin qəbul edə bilməyəcəyi “psevdodiplomatik” formada paketlənmiş ultimatum vasitəsilə “zeytun budağı uzadan tərəf” kimi göstərməyə çalışır. Lakin ultimatum alanların qaçılmaz imtinası da Kreml tərəfindən hesablanmış ola bilər.

Kremlyönümlü KİV-lər, çox güman ki, Qərbin Kremlin hiyləsini istisnasız rədd etməsini öz auditoriyalarına Qərb ölkələrinin böhrandan çıxış yolu istəmədiyinə və Ukraynanı, o cümlədən hazırda Donbasda yaşayan, Rusiya pasportuna malik şəxslərin Rusiyanın təsir dairəsindən NATO orbitinə çəkmək niyyətində olduğuna dair mesaj kimi təqdim edəcəklər. Bu, – “Rusiyanı təhlükəsizliyi naminə və “sabitliyi” qorumaq üçün hərəkətə keçməyə məcbur etmək” üçün təkan ola bilər. Kremlyönümlü şərhçilərdən, o cümlədən Ukraynaya qarşı potensial hərbi əməliyyatın “sürətli və ağrısız” olacağına dair son zamanlar da daxil olmaqla, narahatedici mesajlar yayılır.

Kremlin zəngləri yüksək səslə çalınır, lakin o zənglər dövrün tələb etdiyi kimi dünyada sülhün təmin edilməsi məqsədini daşımır.