Ի՞նչ է նա ասել, և իրականում ի՞նչ է դա նշանակում – Մաս 2. «Բանակցություններ»

01 Մարտի, 2022

Թարմացում. Ռուսաստանի չհրահրված ներխուժումից հետո ուկրաինական զինված ուժերը վճռական դիմադրություն են ցուցաբերել՝ զարմացնելով ռուսական ուժերին: Պուտինն այժմ «բանակցություններ» է առաջարկում Բելառուսում…

Սովորականի պես, դա Կրեմլի խաբեությունն է և ծխածածկույթը: Շորթում և շանտաժ մաքսիմալիստական ​​պահանջներով. Ղրիմի ճանաչում որպես Ռուսաստանի մաս, Ուկրաինայի «դենացիֆիկացիա» և «ապառազմականացում»։

Ռուսաստանի դեսպանորդ, ցածրաստիճան խորհրդական Մեդինսկին Գոմելում ափսոսանք է հայտնում, որ ուկրաինացիներ են մահանում… մինչդեռ ռուսական հրթիռները հարվածում են Խարկովի խաղաղ բնակավայրերին, իսկ Կիևի շրջակայքում և այլուր հարձակումները շարունակվում են:

Հիմնական ուղերձները փետրվարի 24-ին հեռարձակված նախագահ Պուտինի ելույթում, որով նա սկսեց լայնածավալ ներխուժումն Ուկրաինա:

Պրն. Պուտինի ուղերձը, ինչպես նաև շատ ուղերձներ նախկինում, լի էր ապատեղեկատվական բնույթի հայտարարություններով, բոլորը՝ ժողովրդավարական և խաղաղ երկրի դեմ զինված ագրեսիայի համար աջակցություն մոբիլիզացնելու նպատակով:

Ահա հակիրճ դիտարկումն այն բանի, թե ինչ է նա ասել, և իրականում ինչ է դա նշանակում (թարմացված)

Պուտինի մանիպուլյատիվ և մոլորեցնող բառամթերքը. Ինչ նա իրականում նկատի ունի.
«Ռուսաստանի ինքնապաշտպանություն» Հարձակում և ներխուժում ինքնիշխան պետություն, որը որևէ վտանգ չի ներկայացնում
«Սահմանափակ ռազմական գործողություն» Լայնամասշտաբ հարձակում: Հրթիռային հարվածներ, օդային և ցամաքային ներխուժում

Ներառված են քաղաքացիական թիրախներ, քաղաքներ և ենթակառուցվածքներ

«Ոչ մի օկուպացիա» Մտադրությունն է օկուպացնել հնարավորինս շատ՝ այնքան երկար, որքան անհրաժեշտ է: Ուկրաինան դնել Մոսկվայի վերահսկողության տակ: Անժամկետ
«Ուկրաինայի դենացիֆիկացիա» Ինքնիշխան պետության ընտրված, լեգիտիմ պաշտոնյաների ստալինյան տիպի ռեպրեսիաներ
«Նոր կառավարության ընտրությունների անցկացում» Հրացանի նշանառության տակ ֆեյքային ժողովրդավարություն՝ Կրեմլին հավատարիմ խամաճիկներին իշխանության ղեկին դնելու համար
Մաս 2.
«Բանակցություններ» Մաքսիմալիստական պահանջներ այն ժամանակ, երբ խաղաղ բնակիչների ռմբակոծումները շարունակվում են: Ժամանակ շահելու փորձեր՝ պատերազմի մեքենան վերախմբավորելու, վերալիցքավորելու և վերազինելու համար, որը դիմադրության հանդիպեց առաջխաղացման ժամանակ

 


Subscribe to the DISINFO REVIEW

Your weekly update on pro-Kremlin disinformation

No, thank you.