2009 წელს შექმნილი აღმოსავლეთ პარტნიორობის (EaP) მიზანია ურთიერთობების გაღრმავება და გაძლიერება ევროპის კავშირს (EU), მის წევრ სახელმწიფოებსა და ექვს მეზობელ ქვეყანას შორის: სომხეთი, აზერბაიჯანი, ბელარუსი, საქართველო, მოლდოვის რესპუბლიკა და უკრაინა.
აღმოსავლეთ პარტნიორობა და მისი წევრი ქვეყნები მასობრივი სადეზინფორმაციო კამპანიების სამიზნეა, რომლებიც ხელს უშლის ამ ინიციატივისა და მისი უპირატესობების შესახებ ჭეშმარიტი და გადამოწმებული ინფორმაციის მოქალაქეებამდე მიტანას. ვებსაიტის ამ განყოფილებაში აღმოსავლეთის სამეზობლოს სტრატკომის სამუშაო ჯგუფი აგროვებს ინფორმაციას დეზინფორმაციისა და მითების აღმოსავლეთ პარტნიორობის ქვეყნებში ყველაზე გავრცელებული მაგალითების შესახებ.
EUvsDisinfo-ს მონაცემთა ბაზაში თავმოყრილი შემთხვევები უპირველესად მოიცავს საერთაშორისო საინფორმაციო სივრცეში გავრცელებულ შეტყობინებებს, რომლებიც დადგენილია, რომ ნაწილობრივ, დამახინჯებულად და მცდარად ასახავს რეალობას და პროკრემლისტურ ნარატივს წარმოადგენს. ეს, რა თქმა უნდა, არ ნიშნავს, რომ ესა თუ ის საინფორმაციო საშუალება კრემლთანაა დაკავშირებული, მისი სარედაქციო პოლიტიკა პროკრემლისტურია ან მიზანმიმართულად ავრცელებს დეზინფორმაციას. EUvsDisinfo-ს პუბლიკაციები ევროკავშირის ოფიციალურ პოზიციას არ წარმოადგენს, რადგან მოცემული ინფორმაცია და გამოთქმული აზრები მედიასაშუალებების მიერ გავრცელებულ შეტყობინებებს და „აღმოსავლეთ სტრატკომის“ (East Stratcom Task Force) მიერ შესრულებულ ანალიზს ეყრდნობა.
